free web hosting | free website | Business Hosting Services | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Ammore ‘e Napule


Se gira 'o munno sano,
se va a cerca' furtuna.
Ma quanno sponta 'a luna
Luntano 'a Napule
nun se po’ sta'.
                     E.A.Mario

  In un momento di eccessiva malinconia ho deciso di “fermare” i miei “pensieri”.

Ma la mia mente continua a “volare”.

Intanto questo treno continua il suo eterno tragitto Latina-Roma-Latina, senza volere mai proseguire per effettuare la definitiva fermata “Napoli” (“Napoli Campi Flegrei”, nella mia Fuorigrotta).

Non vorrei parafrasare «… ‘o chiammano accussì “Treno d’’o sole” ma chisto è ‘o treno d’’a malincunia …». Comunque l’ho fatto.

E continuerei citando i versi di “Mandulinata ‘ell’emigrante”, “Manname 'nu raggio 'e sole”, "Desiderio 'e sole", “Lacreme Napulitane” ed altri ancora. Terminando con quelli di “Core Furastiero”, "Paese mio" e “’O Paese d’’o Sole”:

 
"'Stu core sbarca a Napule
comm'a 'nu gran signore.
Campaje tant'anni 'America,
mò chi 'o cunosce cchiù povero core.
Mo chi è 'nu furastiero
'nnammurato 'e 'sta città.
"'O scellenza - fa 'o cucchiere -
Signuri' pozzo avuta'?"
E se ne va cuntento cu 'o cucchiere
ca piglia 'o core mio pe' furastiero."


"E te veco 'n'ata vota
casa mia, paese amato.
Te lassaje, so' turnato
pe' nun te lassa' maje cchiù,
pecchè dint''o core mio
ce staje sulamente tu.
Comm'è bello 'stu cielo,
comme è bello 'stu mare.
Tutt'attuorno me pare
ca è turnata 'a giuventù.
E chest'aria 'e ciardino
comm'è fresca e gentile.
A guarda' chisto sole
te siente 'int''e vvene
'o piacere 'e campa'."


"Tutto, tutto è destino.
Comme vulevo fa' furtuna all'estero
si voglio resta' ccà?
'Sta casa puverella
tutta addurosa 'anepeta
se putarria pitta':
'a ccà 'nu ciardeniello sempe 'nfiore
e de rimpetto 'o mare,
sulo 'o mare."

'O mare, il mare che mi ha sempre fatto sognare; che mi ha sempre accompagnato spiritualmente in questo continuo peregrinare (Napoli-Modena-Latina-Roma-Latina-Roma-Latina-…).
Un sobbalzo mi fa riaprire gli occhi: "Roma Termini" ore 7:15 (ancora una volta in ritardo).

Gennaro Agrillo28-06-199907:15in terra straniera a 139 a.d.i.a 200 a.d.t.g.


Vuje,
che addereto 'e llastre
de 'na fenesta 'nchiusa
guardate chesta via,
ve n'addunate
ca sotto a 'nu lampione
passano 'e ricordi?
Passano tutt''e ricordi.
E tenite mente
sempe chella vocia:
"Sta trasenno Primmavera!"
pure si è sempe Vierno
'int'a 'stu core.
                    23-02-1999
                    06:45

Si me vasasse tu,
'e vvoce de 'e vvarche,
accumpagnate da 'o suono de 'e scogli,
putesse senti';
'o grano 'e 'sta campagna
addeventasse 'n'onna;
da 'o verde 'e 'sta distesa
se spriggionasse 'o prufumo
'e ll'erba 'e mare.
Si me vasasse tu.
                    25-02-1999
                    06:55

Vurria vula'
trasennote 'int'all'uocchie,
pe' me pute' pusa'
'ncopp'a 'e fronne
de lu core tuojo.
Vurria arrepararme
dinto a 'sta quiete,
addo' lu viento
nun ce trase maje.
Vurria vula'
trasennote 'int'all'uocchie.
                    25-02-1999
                    20:32

Tutt''e penzieri
ca me passano p''a capa
vulesse mettere dint'a 'na butteglia.
'A copp'a 'na spiaggia
'a menasse luntano
pe' tanta forze
ca tengo 'int''e bbraccia.
Cu ll'uocchie 'a seguesse
fino all'orizzonte.
'A notte sunnasse
ca 'nterra a 'n'isola arrivasse.
E tu l'arape.
                    26-02-1999
                    06:40

Ll'argiento 'ell'uocchie tuoje
me luce 'o core.
'Sta pelle apprufumata
me luce 'o core.
'Sta vocia avvellutata
me luce 'o core.
Sapenno 'e te vede'
me luce 'o core.
                    04-03-1999
                    06:50

Chiove.
'O cielo è scuro.
'O viento, forte,
'nzieme cu ll'acqua,
pulezza tutt''e vvie
addo' tu hê 'a cammena'.
                    06-03-1999
                    06:45

Manco 'nu poco 'e luce
dinto a 'sta stanza.
Ma 'o sole, fora, splenne.
'Nu filo 'e viento trase
e allero dice:
"Sta trasenno Maggio!"
                    08-03-1999
                    06:55

O stongo sunnanno
o stongo 'mpazzenno.
Gesù:
'nmiezo 'a campagna
veco 'o mare.
                    10-03-1999
                    06:47

'Nu vaso arrubbatote 'nzuonno
sotto 'nu pergulato 'mbarzamato.
'Na lenza 'e sole,
passanno 'nmiezo 'e fronne
illumina 'st'uocchie.
T'astregno dint''e bbraccia.
Me so' scetato.
                    12-03-1999
                    07:05

È quasi Primmavera.
Stiennete.
Sî bella:
comme 'a Terra
addo' stienne 'sti capilli;
comme ll'evera
addora 'e te.
                    15-03-1999
                    06:40

- Napule -

'Stu sole
m'abbaglia
comme m'abbagli
Tu.
                    25-02-1999
                    20:32

'O sentite 'addore 'e Primmavera
ca ve trase dint'all'uocchie
e ve porta viole e rose
dritto 'nfino dint''o core?

'A sentite 'a vocia 'Abbrile
ca, passanno 'nmiezo 'e fronne,
cu ll'aucielli e 'e sciure 'arancio,
ve 'mprufuma ll'aria attuorno?

'O sentite chistu core?
                    22-03-1999
                    06:45

Stelle,
ca 'ncielo state
a ridere e a pazzia',
ve pare onesto
ca, tutti 'sti mumenti,
'stu foglio stongo a strujere?
                    23-04-1999
                    20:40

'Sta vocca,
rossa comme 'e rrose,
pare vurria dicere
'na cosa doce.
Pare vurriano
'st'uocchie
parlarme 'e Primmavera.
Vurria,
cu chesta penna,
descriverve l'ammore.
                    23-04-1999
                    20:50

Sole,
ca 'ncopp'a 'sta campagna
stienne 'nu velo d'oro,
'nu raggio traselo
pe' dinto a 'na fenesta.
Scetala
vasannola
                    26-04-1999
                    06:40

Viento,
ca forte sciusci
'ncoppo a 'sta campagna
(ca ll'alberi faje smovere
comme fossero 'mpazzuti;
ca ll'aucielli,
arreparati sotto a 'na roccia,
nun faje vula'),
spazzame tutt''e penzieri.
                    30-04-1999
                    19:30

E stanno sempe ccà
chisti penzieri.
'Nchiuvateme
dint''e cervelle
comme 'na quercia
'e rradici
affonna dint''a terra.
Comme so' belli
'e penzieri.
                    03-05-1999
                    06:40

Vulesse scrivere
tanta lettere appassiunate
pe' quante songo
'e coppie 'e 'nnammurati.
E a 'o viento
l'affidasse.
                    10-05-1999
                    07:00

- Marechiaro -

Mare,
cu' ll'onne ca luceno
sotto a 'sta scalinata
ca porta 'nterra a' rena.
Cuntrora 'e silenzio,
cu 'na rezza,
a prora 'e 'nu gozzo,
stesa.
Refola 'e viento
'nfaccia a 'sti scogli,
ca, nire,
dormono.
                    10-05-1999
                    16:30

- Margellina -

Moveno
'e vvarche
ll'alberi senza vele.
Se connoleano
danzanno cu 'e gabbiani.
Aspettano 'a Staggiona.
                    10-05-1999
                    16:40

Malincunia,
ca me scorri dinto 'e vvene
e ca m'arrivi
'nfino dint''o core,
ll'uocchie
me 'nfunn''e lacreme.
Malincunia,
nun 'o ferma' 'stu treno,
puorteme
fino a' casa.
                    10-05-1999
                    16:55

- Villa Comunale -

Viale,
ombreggiato da 'o vverde
'e chist'alberi,
ca hê 'ccumpagnato
chisà quanti 'nnammurati,
quanta vasi hê spiato
'ntenneruto
dall'evera 'e mare?
                    11-05-1999
                    06:55

- Villa Floridiana -

Da 'stu canciello partono
tanta stradine
pe' ddo' te faje accumpagna'
da 'e penzieri
cchiù belli
ca tieni.
Saglie
e scinne
pe' 'sti grarelle.
Arrivi a 'na terrazza.
T'affacci.
Sî arrivato 'mParaviso.
   
                 12-05-1999
                    16:20

- Vommero -

Case accatastate,
'ncopp'a 'sta collina,
una 'ncuollo a 'n'ata.
Voce 'e gente,
allere, arraggiate.
'A quieta toja
sulo 'e notte.
                    13-05-1999
                    20:10

- Decumano -

Case,
che 'a tant'anni
site sempe 'e stesse.
Gente,
ca nun cagnate maje.
Vie,
ca so' quase sempe scure.
Cammenanno
se sentono voce
'e duicient'anni fa.
'E vvoce de' Lazzari.
                    13-05-1999
                    20:15

- Fuorigrotta -

'A chisto lato
d''a collina
'nce sta 'na terra
addo' 'e ricordi
me se fermano.
Palazzi nuovi,
strade larghe,
tanta gente,
'nu parco verde
addo' me veco
piccerillo.
S'arrepusaje,
pe' sempe,
'na granda lucia
che, appassiunatamente,
cantaje de Silvia;
da cca' passajeno,
eternamente è scritto,
'a fantasia d'Omero
e 'a poesia 'e Virgilio.
Pur'io ce so' vissuto,
cu tanta suonni
e tante speranze.
                    17-05-1999
                    16:20

- Camaldoli -

Saglienno,
da 'stu Crocifisso,
arrivi 'nnante
a 'nu cunvento.
Din do',
'a campana
accoglie a tutti quanti
cu 'a benedizione
de Gesù e Maria.
                    18-05-1999
                    07:35

Partenope dorme
connoliata
da 'o canto
d'Amalfi.
Ulisse già sta a Itaca,
Ercole chi sa' addo' sta.
Miseno s'arreposa,
Enea nun se l'ha scurdato.
Campi Flegrei vullite!
Faciteve senti'!
                    31-05-1999
                    16:55

Comme te po' 'mpurta'
'e chello ca te sta attuorno
si saje
ca tra 'na semmana
vide Napule?
'O core te sbatte,
ll'uocchie
te rideno
mentre se 'nfonnono
'e lacreme.
                    04-06-1999
                    20:15

Che me ne 'mporta
s'io sto' chiagnenno
mentre cammino
'nmiezo a tanta gente.
Chiagno felice
mentre 'o core canta
l'evera 'e mare
e 'a quiete
'e 'na marina.
Che me ne 'mporta
si me vedite 'e chiagnere,
che me ne 'mporta
'e chello ca penzate:
songo felice,
nun capisco niente,
pecchè dimane,
'o ssaje?,
io veco Napule.
                    08-06-1999
                    07:30

Napule aspietteme.
'O ssaje ca sto' partenno?
Fatte truva'
vestuta
dell'abbito cchiù bello.
T'aggio ammira'
e voglio rimmane'
'ncantato.
Comme 'ncantato
se guarda 'a 'nnammurata.
                    08-06-1999
                    07:40

Napule
t'aggio vista
sulo pe' 'nu mumento
ca m'è parso
'n'eternità.
T'aggio sentuta
dint'all'aria.
T'aggio vasata
Napule.
T'aggio lassata.
                    14-06-1999
                    06:55

Quanno se lassa Napule
te siente 'e veni' meno
dint''o core.
Siente ca 'na catena
te 'ntrattene.
Vulisse allucca',
pe' te fa' senti'
d''a gente,
ca nun vuo' parti'.
Quanno se lassa Napule.
                    24-06-1999
                    13:50

(…) Man mano che ci avvicinavamo a Napoli, l'atmosfera si faceva sempre più pura; ormai ci trovavamo davvero in un'altra terra. Le case dai tetti piatti ci annunziano la diversità del cielo, anche se all'interno non devono essere molto comode. Tutti sciamano per la strada, tutti siedono al sole finchè non cessa di splendere. Il napoletano è convinto di avere per sé il paradiso e si fa un'idea ben triste delle terre del settentrione (…).
Si dica o si racconti o dipinga quel che si vuole, ma qui ogni attesa è superata. Queste rive, golfi, insenature, il Vesuvio, la città con i suoi dintorni, i castelli, le ville! Al tramonto andammo a visitare la grotta di Posillipo, nel momento in cui dall'altro lato entravano i raggi del sole declinante. Siano perdonati tutti coloro che a Napoli escono di senno! (…)
Se nessun napoletano vuole andarsene dalla sua città, se i poeti celebrano in grandiose iperboli l'incanto di questi siti, non si può fargliene carico, vi fossero anche due o tre Vesuvi nelle vicinanze. Qui non si riesce davvero a rimpiangere Roma; confrontata con questa grande apertura di cielo la capitale del mondo nella bassura del Tevere appare come un vecchio convento in posizione sfavorevole. (…)

(da "Viaggio in Italia" di J.W. Goethe)