free web hosting | website hosting | Business Hosting | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Campanno 'e speranza


'Int''o vico , ch'è nato pezzente ,
addò 'e pprete so' strille 'e dulore ,
tene 'a maschera 'e ggelo sta ggente
ca ce campa c''o ffele 'int''o core .

Duie , tre secule fa Masaniello
sullevaie chistu popolo 'a terra
era 'nzisto , nu buono curtiello ,
nun bastaie pe' nun perdere 'a guerra ,

e po' ancora cu''e " quatto iurnate ",
ce stà scritto 'int''o libbro d''a storia ,
quanta giglie so' state spezzate
c'hanno avuto ? " ' A medaglia d''a gloria " ...

Chistu vanto d''a pupulazione
c'èva già , fa capì tanta cose ,
però a niente è servuta 'a lezione
mamma Napule cresce e nun sposa ...

Simme figlie 'e na vecchia zetella
'int''e viche accussì tale e quale
comme 'e zeppule dint'a na tiella :
so 'belle e so bbone ma ponno fà male...

E nisciuno che vede , che sente ,
sta miseria ca esce 'a 'int''o vascio
addò lacreme antiche e cucente
se so' sempe chiagnute cca bbascio .

Sulo 'e vvote s'asciutta stu chianto
quanno 'o Napule vence 'a partita...
Ma c''o sfogo 'e nu juorno sultanto
s'appara stu prublema d''a vita ?


LUCIANO SOMMA