free web hosting | free hosting | Business Hosting | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Dik

 Tengo ‘nu cane ch’è fenomenale,
se chiamma Dik, ‘o voglio bbene assaie.
Si perdere ll’avesse? Nun sia maie!
Pe me sarebbe un lutto nazionale.

 M’aggio cresciuto comm’a nu guaglione
cu zucchero, biscotte e papparelle;
ll’aggio tirato su cu ‘e mmullechelle
e ll’aggio dato buona educazione.

 Gnorsì, mo è gruosso. E’ quase giuvinotto.
Capisce tutto… lle manca ‘a parola.
E’ cane ‘e razza, tene bbona scola,
è lupo alsaziano, è poliziotto.

Chello ca mo ve conto è molto bello.
In casa ha stabilito 'a gerarchia.
Va' bene 'a mamma ch'è 'a signora mia,
e a figliemo isso 'o tratta da fratello.

'E me se penza ca  lle songo 'o pate:
si 'o guardo dinto a 11'uocchie mme capisce,
appizza 'e rrecchie, corre, m'ubbidisce,
e pe fa’ ‘e pressa torna senza fiato.

 Ogn’anna, ‘inta ll’estate, va in amore,
s'appecundrisce e mette 'o musso sotto.
St'anno s'è 'nnammurato 'e na bassotta
ca nun ne vo' sapè: nun è in calore.

Pavero Dick, soffre 'e che manera!
Porta pur'isso mpietto stu dulore
e’ cane, si… ma tene pure ‘o core
e 'o sango dinto 'e vvene... Vo' 'a mugliera...