free web hosting | free hosting | Web Hosting | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualitā ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Guardanno n' Albero 'e Natale

Vinte 'e Dicembre
dint'a casa mia
sto sprufunnato 'ncopp'a na pultrona ,
vicino a mme muglierema che stira ,
lasso pe' nu mumento stu giurnale
pe' tenč mente
l'albero 'e Natale .
Guardanno 'e ppalluccelle culurate
s'appiccia 'int''e penziere
n'arcubaleno 'e ggioia
facenno chesta mente sfrennesiā .
Torna
nu desiderio 'e bbene luntano ,
quase scurdato ,
'e panne a stirā so' fernute...
Muglierema s'assetta 'nzino a mme !
Che gulio che m'afferra
che sapore
st'abbraccio mo tene 'o calore
d''o ffuoco 'e biancale
na carezza , nu vaso
ardente e carnale
finalmente quaccosa 'e sta vita
pe' n'attimo vale .
Quanto me piace st'albero 'e Natale ...

Luciano Somma