free web hosting | website hosting | Business Web Hosting | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualitą ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Idillio 'e mmerda


Nu juorno na cacata sulitaria,
meza annascosta dint' 'a nu sentiero,
c"o sole 'e luglio e c"o profumo 'e Il'aria
s'annammuraie d"o strunzo 'e nu pumpiero.

Essa era tonna, acconcia, piccerella,
isso era niro, gruosso, frisco frisco;
essa era fatta a fforma 'e cuppulella,
isso rassumigliava a n'obelisco.

E, cu Il' intermediario 'e nu muscone
na bella sera tutta prufumata,
'o strunzo avette 'a dichiarazione
d'ammore d"a cacata nnammurata.

Isso era nato sotto mala stella;
ca maje nisciuno l'aveva guardato ...
Vulette bene a chella cacatella
cchił assaie d"o culo ca l'avea cacato.

Ma stevano luntano; e sulo 'a luna,
e sulo 'e pprete e sulo 'e ffrasche verde
sapevano 'e turmiente, a uno a uno,
'e chilli duie sperdute piezze 'e mmerda.

E na matina, erano verso Il'otto,
nu cato d'acqua 'a copp"a na fenesta
facette comm"o libbro galeotto
'e 'onna Francesca e Paolo Malatesta.

Benedicenno nzieme chella secchia,
s'astrignčttero forte. Erano sule:
essa Ile regalaje na pellecchia,
isso Ile regalaje dduie fasule.

Chiano, sciulianno dint'a ll'acqua 'alice,
cu nu curteo 'e muschille int"o sentiero,
sotto 'o sole, 'a cacata 'e stiratrice
se mrnaretaje c"o strunzo d"o pumpiero.

E in viaggio 'e nozze stetteno abbracciate
mmiez'a dduie piezze 'e cąntere scassate.

Ferdinando RUSSO