free web hosting | free website | Business Hosting Services | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Le satire 

A famme è famme 

Mentre tu mange, nu piatte e maccarune, 
a me m’attocche e stà quase riune. 
Tu t’abbuffe e paste e de gilate, 
je m’accuntente e n’alice salate! 

Tu cu ll’amice, vaje nte ristorante, 
je tenghe sempe na panza vacante. 
Lasagne, carne, cuntorne e frutte, 
nun lasse niente, tu t’allisce tutte! 

Mmece je, uardanne nta pasticcerie, 
m’alleccressische sule passanne pa vie! 
Tu invece no, tu si sicche e asciutte, 
pure si e paste te mangiate tutte! 

Si fortunate, o fisiche to cunsente, 
a me invece, nun mo ddà pe niente. 
Aggia fa a famme, aggia mette juricie, 
pe nun ngrassà, aggia fa sacrificie. 

Si nun stò accorte, passe o quintale, 
e quante è doppe, me pozze sentì male, 
e facce schife pure esteticamente, 
sinnò l’occhiette o faje inutilmente! 

P’essere sicche, m’aggia murì e famme, 
pe tutt’a vite sinnò continue o dramme? 
Cameriè, e linguine, rigneme o piatte, 
c’agge decise: je voglie essere chiatte! 
A mosche 

Rice ca o Pataterne, fa sempe cose bbone, 
però a u figlie n’cape, mettettere a curone, 
e scalaprice, ma nun fu certe pa religione! 
Pecchè facette a mosche, e sicure nun va buone! 

N’esser cchiù inutile, seccante, scostumate, 
rinte i sei juorne, nun l’aveva ancore criate! 
A truove sempe attuorne, te tocche, e pass’appriesse! 
E specialmente a notte! Maje ca se ne fuiesse! 

Cu chillu murmurie, continue, asfissiante, 
nun certe è nu mode ricimme: arrepusante. 
Te fa venì u nervose, si avisse rint’e mmane! 
A pigliarrisse a cauce, ra mo nfin’a dimane! 

E allore o Pataterne, sicure s’è sbagliate? 
Nunn’è che ha fatte a prove e po s’è attrezzate? 
Je tenghe na teorie, ca forze sarrà overe: 
prime facette a mosche, po criave a mugliere! 

 


 


A raccomandazione 

Caru Pataterne,me serve nu piacere: 
tu o ssaie ca je ce crere, ca tu tien’o putere. 
Adda sapè ca primme, je steve a casa affitte, 
pecché n’teneve costruite nu titte, 

mò aggiu fatte a case! Vuleve rice “a ville”! 
E’ belle, spaziose, piace a chiste e a chille. 
Tene nu pavimente e lignamme piallate, 
addò ce lasce o segne, roppe ch’e camminate! 

Pirciò per evitane, t’adda mett’e pattine, 
assì nun te vuò sentere, na lunga parlantine, 
ca sempe fa mugliereme. Comme po salotte, 
ca si tu te c’assiette, te fa caccià o trotte! 

E mobbele so belle assaie, e vanne lucidate, 
specie pe chill’antiche, ca tu te si accattate. 
Si po quante tu iesce, te scuorde l’antifurte, 
con la dolce mmità t’adda mettere in urte! 

Tra poche và a fernì, ca pure e tapparelle, 
hanna esse abbinate, ca maneca ro mbrelle 
Mo avimme sistemate, e piante ro ciardine, 
acale, aize, acale, me fanne male e rine. 

Pirciò vulesse ricere: a sittiman’entrante, 
nuje partimmo po mare, na vacanze importante, 
si tu putisse fane, nu juorne a tuo piacere, 
nu …..tarramotecielle, e a casa fai cadere!

Ma no pe tutte parte, sultante a casa mia, 
nun voglie o mmale e ll’ate, gniarnò arrassusia! 
Quante n’ha tenghe cchiù, a mia moglie dispiace, 
ma je può stà sicure, ca campe n’santa pace!

 

 

 



biutifulle

Isso vo bbene a essa, 
essa o lasse po pate, 
isso se mette cu n’ate. 

Essa fa o figlie, 
spusate co marite, 
ma isso c’a mis’o rite.

Quindi, sta criature, 
tene: o nonno pe pate, 
mentre o pate l’è frate! 

Ncurneane e pariente, 
a case e stu signore, 
quanne fanne ll’ammore! 

Pecché mettette e corne, 
Rigge, chist’omme belle, 
ca moglie ru fratelle! 

Rint’a stessa magione, 
alloggi’a vecchia mugliere, 
ru cerve a primmavere. 

Assieme cu chelle bella, 
biondissima ntracchiere, 
se stenne a l’infermiere! 

E siccome n’abbastene , 
E corne e stu cumpare, 
pur’a nfermere port’all’altare! 

E po’ c’allamentamme, 
assì in televisione, 
e Napule facimm’esportazione, 

re panne stise e sporche! 
C’adda rice ll’America, 
ca ce manne stì puorche?