free web hosting | free hosting | Business Hosting Services | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Lusinga...

Ma pecchè chesta maschera antica ,
'o calvario d''e vasce ,
sti chiuve d''e viche ,
sta Croce , sti Criste
ca cercano aiuto
'a quanno sta Napule
è nata ?
Pecchè sta ferita
nun s'è cchiù sanata ?
Chi l'ha scritto , chi ha ditto
che s'adda suffrì
pe' tirà na jurnata cu''e diente ,
pe' stentà chesta vita alluccanno
strillanno : pietà !
Pietà a na Madonna
ca tene 'int'all'uocchie
'o culore d''e stelle
pietà , pietà a Dio
ch'è 'o cchiù saggio d''e sagge ,
ch'è divino , ch'è giusto ,
ma nun vede , nun sente ,
e si sente peccè
nun 'a cagna sta faccia
signata d''o tiempo ,
nu tiempo nemico ,
c'ha smurzato 'e speranze
e lusinga ?
Ogne iuorno che passa
cu''a morte 'int''o core ,
c''o chianto 'int'all'uocchie
lusinga !

Luciano Somma

dal volume antologico
'E GGRANATE
Ed.Tierre -Napoli-1990