free web hosting | free hosting | Business Hosting Services | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  



NANNINA E ‘O PULLASTO

Nannina ‘a ‘nzivosa ‘na sera
se steva preparanno pe’ la cena
‘nu pullastro arrubbato a Ciccopeppe
quanno sente tuzzulià a la porta;
jetta ‘na sparra ‘copp’ ‘a lo pullasto,
e vvà arapì la porta: jastummanne.

Arape e se trova ‘nnanze Ciccopeppe
ca votta la porta e trase cu’ la forza
Strillanne comme fosse assatanato:
"Brutta racchia, j nun me lo magno
pe’ mò stipà pe’ Ppasqua,
scunocchio pe’ la fame e tu vecchiaccia,
te frighe ‘o pullastro e te lo magni?
Le penne ‘nganna t’hanna rummanè!"

‘A ‘nzivosa, tremmanne p’ ‘a paura
nun ‘ngarrava manco a dice scusa.
Però ascette a dì quasi chiagnenne:
So vecchia, Ciccopè, e tengo fame
assettate co me, facimmo cena,
‘na veppetella ‘e vino nce sta sempe.
A chistu munno, siente Ciccopè,
si nun ce curamme nuje, poveri viecchi,
senza famiglia, abbandunat’a tutti,
chi vuò che penza ca te muor’’e fame?

Va bbuono Ciccopè, non ce penzà,
dimane me può pure denunzià.