free web hosting | free hosting | Business Hosting Services | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


'O burdello 'e notte

Dicette 'o guardaporte. "addô saglite?
Tutt"e puttane mo' se so cuccate;
tenite 'a casa, o pure un'a tenite? ...
Chi cazzo arape?... Songh"e ttre passate ... ".
- Che cazzo dice? Pienze a gghiettà 'acito!
Nuje simmo justo justo seje chiavate!
A qquatto sorde a' capa, 'o guardaporte
ha fatt' 'a lira ... Arape ... Chi t'è mmuorto!

E saglitteno 'coppa. 'Onna Cuncetta
nce ricevette cu 'a cannella 'mmano.
- 'Onna Cuncé, voglio na fessa astretta! ...
- 'Onna Cuncé, scetàte a sti puttane! ...
- Margarita addo sta?... - Chiamma a Lisetta!.
- Chelle? Una ave che ffa, n'ata sta fora:
è ggiuta mantenuta 'e nu signore ...

- Embé, a chi cazzo tiene? - A Franceschella. ,
- E chi s"a chiava a chella ddiece 'e stronza?
- Perô nce stesse pure Luisella ...
ma chella è sciùscia 'e cinche franche l'onza! ...

- Basta! Sa' che vvuo' fa? Tu chiammancella
ca mo' facimmo a chi arronza arronza ...
'Onna Cuncé, stammo accussi arraggiate,
ca sburrammo si sulo nce tuccate!

E veramente stévemo arraggiate.
J' tenevo nu pesce 'e chesta posta!
Vicienzo e Ciccio nu poco arracchiate,
steveno russe comm'a ddoje ravoste!
E Camillo, pur'isso addubbechiato,
jeva truvanno na pacchiera tosta,
'e chelle ca si tu nce miette 'a mano
te pare nu cuzzetto 'e parrucchiano.

- Pero' penzammo buono ... Che facimmo?
Nuje simmo seje e ccà ne sta una;
ognuno 'e nuje vurria essere 'o primmo.
Ma po' si 'ncaso maie have 'a sfurtuna
ca chillo ca sta dinto è nu sfaccimmo
e sta malato 'mpont' 'o capo 'e funa?
'O vaje a secutà 'ncull' 'a' surella
si 'nfacci' 'o' cazzo t'esce na puntella? ...

Pircio', si vuo' sapé che nc'è di nuovo,
'onna Cuncé: famme nu cazzo mmano.
Cuncé, ca ogge è ddummeneca, e stu chiuvo
'o vide ch'è dd"o primmo crestiano? ...
Guarda 'a capocchia! È grossa comm'a n'uovo.
Vienet' 'a guarda ccà, ncopp' 'o divano!...
Ma tu si' ppazzo? 0 si' sagliuto a vvino?
- Va 'o piglia 'nculo ... Fatte ccà vvicino! ...

E susuto, accussi, cu' 'o pesce a fora,
cu Il'uocchie lustre manco nu brillante,
currette a chella 'vecchia d"a malora
ca faceva 'a zetella comm'a ttante:

tante ca dopp'avé pe' cchiù e doje ore
pazziato cu"o pesce 'e tutte quante,
fanno a vvedé ca po' ... po' niente sanno...
Comm"a canzone d"o Paparascianno ...


Ferdinando RUSSO