free web hosting | website hosting | Web Hosting | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualit ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


'O guardaporta

Io trasette pe' na porta
de cristallo affaccettato,
e vutanno l'uocchie attuomo
rummanette affatturato !

Che lustrore! Che grannezze !
Che culore! E quante cose!
Ncoppa, sotto, a dritta, a manca,
giglie d'oro e fronne 'e rose...

Tuorno tuorno all'aria vanno
'e cculonne argiento e oro.
'E cristalle d' 'e ffeneste
so' 'e brillante... Che tesoro!

- Ferdin, nce si' ttrasuto?
- me dicette 'o Pat'Eterno -
e si' 'o primmo da ch' munno'
'E pigliato chisto terno !

Ecco l'atrio 'e tut t' 'e sante!
Passa nnanza, cumpari!
Ma ched'? Te si' ncantato?
Viene sempre appriesse a me!

'A vutata 'e na culonna
veca a uno cu na chiave...
- E' San Pietro?. - 'E nduvinato!
'O talento 'o tiene! Brave! -

'O chiammai: - Pi, vide a chiste!
- Pat'Et, nun so' cecato...
- Emb, puortalo giranno
ca chist' n'alletterato!

Io sto stracquo e me ne vaco,
pe' me fa' mez'ora 'e suonno!
Nun fisc cu 'o portavoce,
pecch dormo e nun risponno !

- Portavoce? dicett'io;
e 'o telefono, San Pi?
- Nuie cc stammo ancora arreto,
figlio mio, che vuo sap !

Nuie mancammo 'e tanta cose!
Nuie marciammo all'uso antico. ..
Manco 'o gasso mmiso ancora!
Siente e vide che te dico!

Ncunfidenza, si nun fosse
pe' sti qquatto stelletelle,
uno cc sarria suggetto
d'appicciarse 'e llanternelle!

Quanta vote aggio alluccato:
"chisto seculo ' e prugresso !
Si facessemo quaccosa?"
Nonzignore! sempe 'o stesso!

Sempe ll'angele cu 'e scelle,
senza cuorpe. e senza niente!
Sempe 'e nnvole, e stu ncienzo
ca nce d chisti fumiente!

Aggio fatto nu prugetto
pe' nu muorzo 'e gallaria...
Nun ce songo riuscito...
Stamme arreto, gioia mia!

Vuie vevite acqua 'e Serino?
Ll'acqua nosta salimasta!
Vuie tenite 'e trammuasse?
Cc nu scuorteco nce abbasta!

Vuie tenite l'arduombbile,
'a carorzza che va sola?
E te cride ca 'o ppu dicere?
Seh, stai lustro! E' na parola!

Vuie tenite 'o velucicolo?
Cc vai pede-catapede !
Nun so' ccose ca te sccciano?
Si se conta, nun se crede!

Si tu pienze meza cosa,
nonzignore, nonzignore!
Ma sa' quante sagliariano
si mettesse l'ascensore?

Emb niente! Nun cosa!
Chestu cc nun 'o vvo' fa'!
Si si' lieggio e mena viento,
sulo tanno pu sper!

Penzai pure a nu triato
pe' nce fa' cant a Gajarre...
Nun putette spunt niente!
Po' se dice c'uno sgarre!

Songo stato amico Suio
da guaglione, e che vo' di'?
Nun so' manco cavaliere!
Vide mo c'aggia suffri!

Ogne ghiuorno, core mio,
po' aggia fa' nu tiritosto,
cu sta gente che m'arriva!
Che te pare? E' buono 'o posto?

Purtinaro! 'E ditto niente!
Tengo ancora 'o manto russo,
chesta chiave dint' 'e scianche
e sta barba sott' 'o musso!

E na vrenzola 'e livrera?
Chi t' 'o dd! Faceva nguacchio,
si me deva 'o pumo 'attone
e 'o capiello c' 'o pennacchio!

Che te pare? Aggio raggione?
Siente appriesso: lucre, niente!
Cc nun pavano campagna,
songo 'a scumma d' 'e pezziente!

Nc' San Giorgio, ch' nu zero,
e ogne sera mprufumato,
allustrato e arricamato
va facenno 'o nnammurato;

emb cride ca turnanno
mette mana a' sacca e d?
Trase, ride, e po' me dice:
- miette a ccunto, purtin!

Nce sta Santo Raffaele
ca prutegge ' e ppiccerelle,
e va sempre trafecanno
cu na chiorma 'e sfacciatelle;

emb, cride ca na vota
te facesse na crianza?
Bello mio, so' cacciuttielle,
ca m'abbaiano 'int' 'a panza!

E' na vita ca, te dico,
'o cchi santo 'e tut t' 'e sante
primma 'e farla pe' mez'ora
se mettesse a fa' 'o brigante!

Trase a chisto, caccia a chillo,
mparulate cu chill'ato,
chiamma 'appello ogne matina...
IO, te ggiuro, sto malato!

Quant' cara 'a vista 'e il'uocchie,
sto malato! E' nu murl
E pe' ghionta, Isso s'addorme...
e aggia fa' tuttecos' i' !


Ferdinando RUSSO

('Npavaviso)