free web hosting | free website | Business Hosting | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  



Pe' sempe c''o mare

Cu' na faccia abbrusciata d ''o sole
e cu''e rrughe d''o tiempo 'int''e mmane ,
chiene 'e calle , fatica d''e rrezze ,
gioia e dulore 'e na vita c''o mare .

Piscatore era 'o nonno , po' 'o pate ,
e pur'isso , 'a quann'era guaglione ,
cu' chest'onne era amico , nu frato ,
ha campato cu' chesta passione .

Quanta rezze tirate vacante
scanaglianno 'e funnale d''o munno ,
qunta notte passate aspettanno
pe' tirà sultanto evera 'a funno ...

E chest'onne , ll'amiche , 'e ccumpagne ,
'nterra 'a rena mò l'hanno lassato
isso pesca 'int''all'urdemo suonno:
trova sulo ricorde e nient'ato .

Ncopp''a terra chi è isso : < nisciuno >...
Ncopp''a ll'acqua era stato 'o padrone
nzieme 'o mare , unu sciato , tutt'uno ,
ogge chiagne ma chi se n'addona ?

E vurria si murì miez''o mare
cu nu vuzzo pe' carro e 'o tavuto
chine 'e pisce , cu''e rrezze , 'e llampare ,
desiderio 'e na vita patuta .

Ll'uocchie stanche se guarda luntano
chella stella ca stà all'orizzonte
e 'a saluta tremmanno cu''a mano
pe' lle dicere : < 'o vvide ? So ' pronto ! >


Luciano Somma