free web hosting | free hosting | Business Hosting | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Quant'anne so'


Quant'anne so' ca t'aggio canusciuto?
Ne songo tante, assaie, i' nun m' 'o scordo.
Vulive fa' 'o cantante, m'arricordo
e nce riusciste pecché si' cucciuto.

Io ero masto, facevo 'o scarparo.
Nu iuorno tu veniste a me spià:
Me vulite cu vvuie a ffaticà
dint' 'a fabbrica 'e scarpe 'o Lavenaro?

Quanta fatica pe' te fa' 'mparà!
'Nnanz' 'a puteca steva n'orchestrina
ca veneva a ssunà ogne matina
tu, cu na scusa, ascive pe' ccantà.

C'avev' 'a fa'? Io restavo 'ncantato...
Tenive na vucella fina fina,
'a simpatia e 'a faccia 'e na faina
c'ha fatto tremma cchiù 'e nu nnammurato.

' A voce toia era doce e affatata!
Cafiero e Furno, doie celebrità,
te 'mparaieno Il'arte 'e recità
e fuste 'o primmo rre d' 'a sceneggiata.

Po' addeventaste attore di "riguardo"!
Hê fatto avanspettacolo, 'e rriviste,
cu Nino Taranto e ' e cchiù bell ' artiste.
Ma chi t'ha cunzacrato fuie: Eduardo.

Pure in Televisione e con onore
he fatto ' e perzunagge ' e cchiù sfezziuse,
he inciso dischi serie e maleziuse,
canzone appassiunate e chien'ammore.

Ma addo si' stato overo geniale
so' "'E pensiere d' 'o Core" c'hê starnpato.
Nu libro 'e poesie ca hê dedicato:
"N'atto d'ammore a Napule carnale"!

Stu libro ' e poesie ca hê scritto tu
quann' io Il' arapo ...crideme Giggi',
'mpietto me sento 'o Core 'e 'ntenneri'
e m'arricordo. ..'a meglia giuventù!

Antonio Protano