free web hosting | free website | Business WebSite Hosting | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Scusame

Tu nun me guarde cchiù comme a na vota
è chesto è naturale
'o tiempo primma appanna e po' cancella
ammore , affetto , desiderio e bbene .

Tant'anne 'nzieme
tra gioia , dulore affanne, anzie , turmiento .
è comme nun l'avessemo campate
è comme si nun fossero maje nate .

Mo ca nun te so' cchiù nemmanco frato
me vide comme fosse nu peccato
che staje scuntanno stanca e rassignata
'o core 'mpietto a tte s'è congelato .

Chi 'o po' scarfà ? So' certamente 'e figlie
o l'ombra 'e n'ato ca 'mpruvvisamente
'a nu suonno luntano , o 'e stu mumento ,
te gira attuorno , te fà luce , abbaglia .

O forze no , songh'io ca sto vedenno
cu' l'uocchie stanche 'e n'anema agitata
sultanto 'o mmale ca me porta 'nfunno
'int''o mare 'e sta vita scunzulata .

Tu nun me guarde cchiù comme a na vota
pur'io però me songo trasfurmato
strigneme 'a mano , dammece st'aiuto ,
scusame , ammore , si me so' sfugato...

Luciano SOMMA