free web hosting | free website | Business WebSite Hosting | Free Website Submission | shopping cart | php hosting

Sito ufficiale della Mailing List NapoliBella
Home   GuestBook   E-Mail   Pizziate   Incontri    Foto personali   Attualità ed Articoli
Foto di Napoli   Foto furastiere   Poesie    Rrobba ammiscata  
Ricette  Siti preferiti  


Zuoccole, tammorre e femmene

Tutte hanno scritto a Napule canzone appassiunate,
tutte 'e bellezze 'e Napule so' state decatente:
da Bovio a Tagliaferri; Di Giacomo a Valente;
in prosa, vierze e musica: ma chi po' ddi' cchiù niente?

Chi tene 'o curaggio 'e di' quaccosa
doppo ca sti puete gruosse assai,
d'accordo songo state a ddi' na cosa:
ca stu paese nun se scorda mai.
Sta Napule, riggina d' 'e ssirene,
ca cchiù 'a guardammo e cchiù a vulimmo bbene.

'A tengo sana sana dinto 'e vvene,
'a porto dinto 'o core, ch'aggia fa'?
Napule, si' comme 'o zucchero,
terra d'ammore - che rarità!
Zuoccole, tammorre e femmene,
è 'o core 'e Napule ca vo' canta.

Napule, tu si' adorabile,
siente stu core che te vo' di':
<< Zuoccole, tammorre e femmene,
chi è nato a Napule nce vo' muri'>>.

Antonio De Curtis
Toto'